Færslur: 2012 Janúar

30.01.2012 22:21

Uppfærðar dagsetningar - SMALI ofl.

Búið er ákveða nýja dagsetningu fyrir SMALA í Uppsveitadeildinni.

Hann verður sem hér segir föstudagskvöldið 24 febrúar þegar upphaflega átti að ríða fjórgang.
Næstu mót eru því :

FJÓRGANGUR - SKÍRDAGUR - FIMMTUDAGUR 5 APRÍL
FIMMGANGUR - 20 APRÍL
TÖLT/FLJÚGANDI SKEIÐ 11 MAÍ

Nánar auglýst síðar.

Minnum einnig á AÐALFUND SMÁRA en hann verður haldinn á Hestakránni næstkomandi fimmtudagskvöld kl. 20.30.

26.01.2012 16:22

Uppsveitadeild frestað

Stjórn Uppsveitadeildarinnar á Flúðum hefur í samráði við mótshaldara og liðsstjóra að fresta fyrsta mótinu sem halda átti annað kvöld vegna ófærðar og slæms veðurs.

Veðurspáin er slæm næstu 2 sólahringa og mikil ófærð víða í sveitunum. Útlit er fyrir milt og gott veður í framhaldinu og verður tekin ákvörðun um nýjan mótsdag innan skammst og það auglýst.

Vonum að fólk sýni þessu skilning og fylgist með nýrri dagsetning og mæti og fylgist með smalanum í Uppsveitadeildinni.

Fylgist því vel með hér á www.smari.is

Kveðjur frá stjórn Uppsveitadeildarinnar

24.01.2012 21:52

Uppsveitadeild - SMALI


Nú líður senn að fyrsta móti í Uppsveitadeildinni en það er á föstudagskvöldið kl. 20.00 í reiðhöllinni á Flúðum. Keppt verður í smala, 21 knapi er skráður til leiks, riðnar verða 2 umferðir og svo ríða 10 efstu 1 umferð í úrslitum. 

Meðfylgjandi er ráslisti kvöldsins sem þó er birtur með fyrirvara um breytingar.

Allar upplýsingar um liðin, dagskrá og tímasetningar komandi móta má finna hér til hliðar undir UPPSVEITADEILD.

 

 

KNAPI HESTUR LIÐ
1 Árni Benónýsson Aría frá Efsta-Dal II, 7v. Brún BYKO
2 Hermann Þór Karlsson Blær frá Efri-Brúnavöllum, 8v. Brúnn MOUNTAINEERS OF ICELAND
3 Bjarni Birgisson Garún frá Blesastöðum 2a, 5v. Bleik LAND&HESTAR/NESEY
4 Guðrún S. Magnúsdóttir Glampi frá Tjarnarlandi, 7v. Rauður JÁVERK
5 Vilmundur Jónsson  Hrefna frá Skeiðháholti, 7v. Brún ÞÓRISJÖTNAR
6 Guðmann Unnsteinsson Dynjandi frá Grafarkoti, 12v. Brúnskjóttur ÚTLAGINN
7 Sólon Morthens Spónn frá Hrosshaga, 11v. Rauður ÁSTUND
8 Sölvi Arnarsson Hnota frá Efsta-Dal II, 6v. Brúnstjörnótt BYKO
9 Bryndís Heiða Guðmundsdóttir Blær frá Vestra-Geldingaholti MOUNTAINEERS OF ICELAND
10 Ástrún S. Davíðsson Stóri Brúnn frá Hlemmiskeiði, 14v. Móbrúnn LAND&HESTAR/NESEY
11 Líney S. Kristinsdóttir Hljómur frá Fellskoti, 6v. Bleikálóttur JÁVERK
12 Einar Logi Sigurgeirsson Æsa frá Grund, 21v. Grá ÞÓRISJÖTNAR
13 Kristbjörg Kristinsdóttir Hátíð frá Jaðri, 6v. Fífilbleikstjörnótt ÚTLAGINN
14 Knútur Ármann Dögg frá Ketilsstöðum, 19v. Brún ÁSTUND
15 Sverrir Sigurjónsson Greifi frá Miðengi, 19v. Brúnn BYKO
16 Grímur Sigurðsson Glaumur frá Miðskeri, 16v. Jarpur MOUNTAINEERS OF ICELAND
17 Gunnlaugur Bjarnason Tvistur frá Reykholti, 15v. Rauðtvístjörn. LAND&HESTAR/NESEY
18 María B. Þórarinsdóttir Birta frá Fellskoti, 6v. Rauðtvístjörn,glófext JÁVERK
19 Gunnar Jónsson Vífill frá Skeiðháholti 3, 11v. Jarpur ÞÓRISJÖTNAR
20 Aasa Elisabeth Emelie Ljungberg Hróðný frá Hvítanesi, 6v. Dökkmoldótt,stjörn. ÚTLAGINN
21 Þórey Helgadóttir Djákni frá Minni-Borg, 10v. Móálóttur ÁSTUND

21.01.2012 17:35

Týnd fylfull hryssa !!


Dökkrauð/einlitt,  meri tapaðist úr girðingu við Bryðjuholt í Hrunamannahreppi, hún er örmerkt: IS 352097800004303

Merin er fylfull. Hennar er sárt saknað!  

Værum við mjög þakklát ef fólk athugaði  meðal sinna hesta. 

Þeir sem kunna að hafa upplýsingar vinsamlegast hafið samband við Sigurð í síma 898-3708 eða Guðlaugu s.822-2410


17.01.2012 21:17

Aðalfundarboð

Aðalfundur Hestamannfélagsins Smára

  

Aðalfundur Hestamannafélagsins Smára verður haldinn á Hestakránni að Húsatóftum fimmtudaginn 2 feb 2012 og hefst kl 20:30.

 

Dagsskrá:

Venjuleg aðalfundarstörf

Lagabreytingar

Kosningar

Formaður gefur ekki kost á sér áfram

Önnur mál

                                                                             Stjórnin

12.01.2012 08:44

Dómara námskeið

Hestadómarinn! Námskeið

Gæðingadómarafélag LH og Íþróttadómarafélag LH, í samstarfi við Endurmenntun Landbúnaðarháskóla Íslands, bjóða upp á námskeiðið Hestadómarinn.

Nám þetta er fyrst og fremst hugsað fyrir starfandi íþrótta- og gæðingadómara og fólk sem hyggst gerast dómarar en getur einnig nýst víðum hópi áhugasamra hestamanna. Námskeiðið er tilvalið fyrir starfandi dómara til að dýpka þekkingu sína á hestinum og eflast í sínum störfum. Þeir sem hafa hug á að ná sér í dómararéttindi seinna meir fá þarna góðan grunn. Ræktendur fá innsýn í hvað og hvernig hestar eru metnir og einnig er gott að öðlast þekkingu á dómstörfum til að geta metið sína eigin hesta eða aðstoðað keppnisknapa. Þannig á þetta námskeið á að nýtast breytum hópi fólks.

Námskeiðið er röð af fjórum helgarnámskeiðum. Námið er sambland af staðarnámi og fjarnámi - nemendur fá verkefni til að vinna á milli helga. Rauði þráðurinn í gegnum allt námskeiðið verður þjálfun í dómum hverrar gangtegundar. Mikilvæg atriði verða samhliða tekin fyrir með fyrirlestrum og sýnikennslum, þau eru meðal annars:

o   Saga keppnisgreina og saga reiðmennskunnar

o   Dómkvarðar sem hafðir eru að leiðarljósi við dóma á hrossum í íþrótta- og gæðingakeppni.

o   Gangtegundir íslenska hestsins - fagurfræði gangtegundanna

o   Hugtakanotkun við mat á hrossum

o   Þjálfunarfræði og hreyfingafræði

o   Bygging hesta og tengsl við virkni í reið - líkamsbeiting hestsins

o   Atferlisfræði

o   Áseta og stjórnun

o   Taumsamband, höfuðburður og reising - Beislabúnaður og notkun hans

Kennarar koma frá fræðslunefndum Íþrótta- og Gæðingadómarafélaganna auk þess sem Mette Mannseth reiðkennari og knapi, Benedikt Líndal tamningameistari, Gunnar Reynisson kennari við LbhÍ og Lárus Ástmar Hannesson gæðingadómari, munu koma að kennslunni. 

Námskeiðið verður keyrt samhliða námskeiði fyrir keppnisknapa og nokkuð verður um sameiginleigar kennslu- og æfingastundir þessara tveggja námskeiðshópa (með fyrirvara um breytingar).

Staður og stund: Hestamiðstöð LbhÍ á Miðfossum, 3.-4. febrúar, 17.-18. febrúar, 16.-18. mars, 30.-31. mars og 28. apríl. Tími frá 15:00-20:00 föstudaga, 9:00-18:30 laugardaga og einn sunnudag frá 10:00-15:00 (72 kennslustundir). Valfrjáls æfingdagur verður í tengslum við mót 28. apríl.

Verð: 86.000.-  (Kennsla, gögn, veitingar)

 Hægt er að leita eftir gistingu á Hvanneyri með sameiginlegri eldhúsaðstöðu gisting@lbhi.is (Lárus Ingibergs.)

Skráning: endurmenntun@lbhi.is eða í síma 433 5000 fram komi nafn, kennitala, heimilisfang, sími og netfang.

Staðfestingargjald: Staðfesta þarf skráningu með því að millifæra 20.000 kr (óafturkræft) á reikninginn 0354-26-4237, kt. 411204-3590. Senda kvittun á endurmenntun@lbhi.is

 Yfirlit námskeið má sjá á www.lbhi.is/namskeid

 

Upplýsingar um námið veitir Lárus Ástmar Hannesson s: 8980548 - larusha@simnet.is

11.01.2012 21:41

Frá Reiðhöllinni á Flúðum


Sala árskorta er hafinn á nýjan leik. 

Fyrirkomulag og verð er óbreytt frá fyrra ári, þeas hægt er að velja um tvær tegundir af aðgang, einstaklings- og fjölskyldukort. 

Einstaklingskort er eingögnu ætlað korthafa, en fjölskyldukort gildir fyrir korthafa, maka hans og börn 18 ára og yngri.  

Mikilvægt er að korthafar virði þær lágmarksreglur. 

Korthöfum er frjáls aðgangur að húsinu milli kl. 8 og 23 daglega svo fremi sem ekki er skipulögð dagsskrá í húsinu. Hægt er að nálgast upplýsingar um skipulagða dagskrá á heimasíðu Smára www.smari.is undir TÍMATAFLA OG DAGSKRÁ.

Verð á einstaklingskorti er 11 þús auk vsk og á fjölskyldukorti 18 þús auk vsk. Hægt er að panta árskort í s: 897 7623 eða á netfanginu helgikj@mmedia.is.

Undir "REIÐHÖLL" hér til hliðar á síðunni má nú finna upplýsingar um árskort, skilmála með árskortum ásamt umgengnisreglum í hesthúsi.

Stjórnin

  • 1
Flettingar í dag: 248
Gestir í dag: 34
Flettingar í gær: 370
Gestir í gær: 38
Samtals flettingar: 1621911
Samtals gestir: 238195
Tölur uppfærðar: 13.12.2017 18:42:35